Radio Televizioni 21 është një kompani mediale me seli në Prishtinë, Kosovë, që përfshin një kanal televiziv, një radio dhe një faqe të internetit.

E themeluar si Radio 21 në internet më 11 maj të vitit 1998 nga Afërdita Saraçini dhe bashkëshorti i saj, Florin Kelmendi, ky transmetues kishte program informativ 30 minutësh për ngjarjet në Kosovë gjatë luftës 1998-1999. Radio 21 përkohësisht ka transmetuar nga Shkupi gjatë bombardimeve të NATO-s (mars-qershor 1999) pasi stafi i saj u dëbua prej serbëve nga Kosova.

Me mbarimin e luftës fillon ringjallja e këtij transmetuesi dhe me ndihmën e donacionet nga jashtë përpos radios lancohet edhe kanali televiziv kombëtar TV21. RTV21 transmeton 24 orë në rrjetin tokësor dhe atë satelitor në Amerikë dhe Evropë. Edhe Radio 21 transmeton 24 orë përmes valëve FM.