Miwam se yon platfòm sou byennèt, sante mantal, devlopman pèsonèl, motivasyon, disiplin ak siksè. Nou itilize plizyè pòtvwa pou n rakonte istwa ki enspiran, panse ki pozitif ak tout kalte konsèy sou lavi an jeneral. Misyon nou, se reveye konsyans sila yo ki twouve yo nan koulwa dezespwa, remò, k ap benyen nan move lavi, ki deside chanje sitiyasyon sa yo. Fòs nou, se nan kalite kontni nou pwodwi, sou plan etik, moral, sikilojik ak sosyolojik. An gwo, nou pa kreye kontni pou deprave sosyete a ni pou atire move lawon, plis ego lakay zòt. Nou pran san n pou n touche nanm chak endividi, epi ede ranfòse kapasite yo chak. Nou vle kreye yon veritab mouvman ki baze sou devlopman zòt. Sa se vizyon n.